Celebramos o 8 de marzo coa lectura e análise de libros sobre a igualdade de xénero en colaboración coa biblioteca do centro.
Así mesmo , participamos no concurso de elaboración do cartel do 8 de Marzo. Presentando un cartel para a 1º categoria , realizado polos alumnos e alumnas de 4º de Primaria e outro pola 2º categoría, elaborado polos alumnos e alumnas de 5º de Primaria.
Neste orixinal podcast, o alumnado de terceiro ciclo do CEIP Filomena Dato entrevista a grande escritora Rosalía de Castro. Ademais de coñecer polo
miúdo a súa biografía e as súas obras, tamén saberemos outras moitas
curiosidades da autora, que de seguro vos resultarán ben interesantes.
Os alumnos e alumnas do 1º ciclo do CEIP Filomena Dato levaron a cabo, ao longo da semana, un obradoiro de actividades sobre a vida e obra da nosa poetisa máis ilustre.
O EDLG do colexio Filomena Dato organizou esta xornada dedicada a Rosalía de Castro con diversas actividades entre as que se atopan o recitado da súa obra,
música etc. Velaquí un vídeo desta celebración. tan especial.
Para visualizar a violencia contra as mulleres creamos o lema "non peches os ollos", cada alumno/a o dia 24 levou un parche violeta. Ese día a escola amaneceu chea de globos e cartaces con lemas a favor da igualdade, da fortaleza e do empoderamento feminista.
O alumnado de Primaria escenificou a morte de 22 mulleres antes da lectura do manifesto, para posteriormente interpretar,entre todos, a cantiga "A porta Violeta" de Rozalén a ukelele xunto coas familias que quixeron acompañarnos.
Durante o mes de novembro, cada aula da escola, escolleu unha muller galega de distintos ámbitos culturais para trocar o nome da súa aula por ese. Fíxose un traballo de investigación por parte dos cativos/as e mestres/as no que a través de videos, libros e páxinas web buscamos aquela muller coa que se sentían máis identificados/as e plasmaron este traballo na decoración da súa porta, acompañado dun traballo bibliográfico de cadansúa muller. Esta actividade continuou cunha gravación da porta da aula e cun tour pola escola coñecendo ás mulleres que fixeron os compañeiros/as.
Adicamos a porta de entrada da escola a Filomena Dato por ser o nome que leva o colexio e por celebrar neste curso o 25 aniversario da súa apertura.
Obxectivo xeral: Coñecemento e divulgación da memoria histórica feminina de Galicia