Estes proxectos foron feitos polos
nenxs de 4º de Primaria. Nun primeiro momento, levouse a cabo unha busca dirixida
no arquivo histórico do exilio feminino galego da USC. Na seguinte etapa fíxose
unha listaxe de países a onde se exiliaron estas mulleres. E desa lista
escolléronse por votación dous países para facer os proxectos. Un deles foi
Francia e o outro México.
A continuación seleccionáronse
algunhas mulleres que se exiliaron a eses países e os motivos que as levaron a
facelo.
A continuación crearon un cartafol
con toda a información recompilada e
comezaron a pescudar e descubrir aspectos sobre o país escollido. Entre eles:
Superficie, poboación, tipo de goberno, relixións practicadas, gastronomía,
folclore, tradicións, clima, flora, fauna ...con todo este traballo fíxose unha presentación en forma de mural
que contiña distintas maquetas e tamén algún vídeo documental.
As actividades propostas ao longo do curso foron dirixidas a reforzar os aspectos máis transversais do currículo, favorecendo a interdisciplinariedade e a conexión entre distintos coñecementos. O traballo foi cooperativo e cada alumnx adoptou un rol concreto e asumiu tarefas individuais que integrou o resultado final do proxecto.
